الفكرة في سطرين

الـprototype بيكون مفيد لما يوضّح التجربة اللي عايزين نوصل لها. لكن عشان يبقى feature جوّه المنتج، لسه محتاجين نشتغل على الأداء، والربط مع باقي النظام، وحالات الفشل، وتجربة الويب والموبايل.

العميل ماكانش عاجبه الـthird-party solution اللي كنا بنستخدمه لعرض العربيات بالـ360 في El Garage. فبدل ما نحاول نوصف الحركة تاني، فتح أداة AI وعمل prototype بسيط بـHTML.

الفكرة كانت إننا نستخرج صور من فيديو للعربية، والمستخدم يسحب يمين وشمال عشان يتنقّل بينها. النسخة ماكانتش جاهزة تدخل المنتج، بس كانت كفاية جدًا عشان أفهم هو متخيّل التجربة إزاي.

الـprototype حلّ إيه فعلًا؟

بقى عندنا حاجة نجربها مع بعض. السحب هنا سريع زيادة، الحركة دي مناسبة، والجزء ده محتاج يتغيّر. بدل كلام عام في meeting، بقينا بنتكلم عن interaction محدد.

بالنسبة لي دي أهم فايدة للـprototype: نعرف إذا كنا فاهمين التجربة صح قبل ما نستثمر في تنفيذها.

بعد ما الـdemo اشتغل، إيه اللي كان فاضل؟

بعدها اشتغلت على استخراج الـframes، وجودة الصور، وسرعة ظهورها، وتجربة السحب على React وFlutter. إن الـdemo يبقى مقنع حاجة، وإن التجربة تنفع جوّه التطبيق وعلى أجهزة الناس حاجة محتاجة شغل تاني.

  • محتاجين كام frame، وحجم الداتا اللي هتتحمّل قد إيه؟
  • اليوزر هيشوف إيه وهو مستني الصور؟ ولو صورة ما اتحمّلتش؟
  • السحب بالماوس وباللمس هيحسّسوا المستخدم بتجربة متقاربة؟
  • الـfeature هتدخل في flow عرض العربية الموجود إزاي؟

نتعامل إزاي مع prototype معمول بالـAI؟

نعتبره طريقة يورّينا بيها صاحب الفكرة قصده. نحتفظ بالحاجات اللي وضّحت التجربة، وبعدها نراجع الكود والقيود والربط مع التطبيق قبل ما نقرّر إيه اللي يدخل المنتج.

أحسن handoff هو فكرة واضحة نقدر نجربها سوا، من غير ما نفترض إن المنتج خلاص اتعمل.

في El Garage، العميل قدر يورّيني هو عايز إيه، وأنا قدرت أبني على حاجة واضحة بدل ما أفضل أخمّن.

شوف تفاصيل المشروع: El Garage ↗

الفكرة الأصلية اللي كتبتها على LinkedIn